Տղամարդը բռնել է «Աստծո կողմից ուղարկված» ձուկ

ԱՄՆ-ի Թենեսի նահանգում ձկնորսը որսացել է 7,14 կիլոգրամ կշռող օկուն ձուկ՝ սահմանելով նահանգի նոր ռեկորդ։ Այս մասին հայտնում է Outdoor Life պարբերականը՝ նշելով, որ հաջող որսը գրանցել է փորձառու ձկնորս Դարել Նանլին։

Փետրվարի 28-ին Նանլին ընկերոջ՝ Հենսլի Փաուելի հետ ձկնորսության էր գնացել Նիկաջեք լիճ։ Ձկնորսության մեկնարկից մոտ մեկ ժամ անց նրա կարթին մեծ բան է ընկել։ Սկզբում նա կարծել է, թե լարը խճճվել է ջրիմուռների մեջ, սակայն քիչ անց պարզվել է, որ խոսքը խոշոր օկունի մասին է։

Ձուկը կշռվել է սերտիֆիկացված կշեռքով և հասել 7,14 կիլոգրամի՝ գերազանցելով նահանգի նախորդ ռեկորդը, որը 2015 թվականին կազմել էր 6,9 կիլոգրամ։ Նանլիի ընկերը նշել է, որ նման որսը կարծես «Աստծո ուղարկած նվեր» լինի։ Ռեկորդը դեռ պաշտոնապես չի հաստատվել, սակայն մասնագետները կարծում են, որ դա տեղի կունենա մոտ ապագայում։