Իտալիան կոչ է անում պատժամիջոցներ կիրառել ԱՄՆ-ի դեմ

Իտալիան պետք է հեռանա ԱՄՆ-ից և Իսրայելից, պատժամիջոցներ կիրառի Վաշինգտոնի նկատմամբ և ռազմական օգնություն տրամադրի Իրանին։ Այս մասին հայտարարել է «5-աստղանի շարժման» Իտալիայի պատգամավորների պալատի անդամ Արնալդո Լոմուտին, գրում է Politico-ն։

«Կառավարությունը պետք է պատժամիջոցներ կիրառի Միացյալ Նահանգների նկատմամբ և Իրանին ռազմական օգնության փաթեթ տրամադրի», - ասել է նա։

Politico-ն հաղորդում է, որ Լոմուտին իր հայտարարությունն արել է Իտալիայի խորհրդարանում տեղի ունեցած քննարկման ժամանակ։ Իտալիայի պատգամավորների պալատի անդամ Անջելո Բոնելլին նաև մեղադրել է վարչապետ Ջորջիա Մելոնիին «Իտալիան պատերազմի մեջ ներքաշելու» մեջ։

«Երբ ռազմական ինքնաթիռ է ժամանում, լինի դա բեռնատար, թե այլ, և ուղարկվում է սպասարկման կամ այլ բանի, այդ ինքնաթիռները ռմբակոծվում են։ Դրանք ուղարկվում են գործողությունների թատերաբեմ և ապահովում ռազմական լոգիստիկ աջակցություն։ Ի՞նչ տարբերություն կա ռազմական լոգիստիկ աջակցության և ռմբակոծության միջև։ Դա նշանակում է պատերազմ, և մենք դրա հետ համաձայն չենք։ Ոչ, շնորհակալություն», - ասել է նա։