Իրանը ոչնչացրել է Ռուսաստանի հարավը վերահսկող ԱՄՆ կարևոր ռազմական օբյեկտը

Իրանը հակամարտության առաջին օրերին ոչնչացրել է ամերիկյան ռազմական ռադիոլոկացիոն կայան, որը վերահսկում էր Ռուսաստանի հարավային շրջաններն ու ամբողջ Մերձավոր Արևելքը։ Այս մասին հայտարարել է «Սաֆիր» վերլուծական կենտրոնի ղեկավար, ռազմական փորձագետ Ալեքսեյ Բոգատիրևը՝ «Իզվեստիա» մեդիա կենտրոնում անցկացված քննարկման ժամանակ։

Փորձագետի խոսքով՝ Իրանը ցուցադրաբար խոցել է ռադարի «գմբեթը», որը պահպանվել էր 2025 թվականի նախորդ հակամարտության ժամանակ։ Նրա գնահատմամբ՝ այդ կայանը վերահսկում էր Ռուսաստանի հարավարևմտյան հատվածում տեղի ունեցող գործընթացները, ինչպես նաև Մերձավոր Արևելքում զարգացումները։ Բոգատիրևը նշել է, որ նմանատիպ մոտ վեց կայան կա, և դրանցից մեկի ոչնչացումը զգալիորեն նվազեցրել է տարածաշրջանի նկատմամբ վերահսկողության հնարավորությունները։

Փորձագետը նաև ընդգծել է, որ Իրանը, ԱՄՆ-ը և Իսրայելը ներկայում շարունակում են ռազմական գործողությունները ամբողջ ուժով և դեռևս պատրաստ չեն լարվածության նվազեցման կամ հակամարտության կարգավորման։ Ավելի վաղ ԿՀՎ-ի նախկին վերլուծաբան Լարի Ջոնսոնը հայտարարել էր, որ Իրանի հարվածները ռադիոլոկացիոն կայաններին խաթարել են ԱՄՆ-ի և Իսրայելի հակաօդային պաշտպանության համակարգը՝ դժվարացնելով հրթիռների արձակման և դրանց նպատակակետերի ժամանակին հայտնաբերումը։