ԲՐԻԿՍ-ի երկիրը սկսել է ակտիվորեն գնել ռուսական նավթ

Հնդկաստանի նավթավերամշակող գործարանները սկսել են արագորեն գնել ռուսական նավթ այն բանից հետո, երբ ԱՄՆ իշխանությունները մեղմացրել են այդ ներմուծման սահմանափակումները։ Այս մասին հայտնում է Business Standard պարբերականը։

Պարբերականի տվյալներով՝ արդեն գնվել է ավելի քան 10 միլիոն բարել ռուսական նավթ, իսկ Արաբական ծովում և Բենգալյան ծոցում գտնվող տանկերներում կա ևս մոտ 15 միլիոն բարել։ Բացի այդ, Սինգապուրի մոտ կանգնած նավերում պահվում է ավելի քան 7 միլիոն բարել նավթ, որը կարող է մոտ մեկ շաբաթվա ընթացքում հասնել Հնդկաստանի նավահանգիստներ։

Հնդկաստանը վերջին տարիներին դարձել էր ռուսական նավթի խոշոր գնորդներից մեկը, սակայն 2026 թվականին ստիպված էր նվազեցնել գնումները ԱՄՆ-ի ճնշման պատճառով։ Սակայն ԱՄՆ–Իրան հակամարտության սրման ֆոնին Նյու Դելին բախվել է Պարսից ծոցի երկրներից նավթի մատակարարումների խնդիրների հետ, ինչի հետևանքով հնդկական ընկերությունները կրկին սկսել են մեծ ծավալներով ձեռք բերել ռուսական նավթ։