2026-ի ամենաթրենդային սանրվածքները․ ո՞ր ոճերն են դրանք

Ստիլիստ Ալեքսեյ Գորբատյուկը ներկայացրել է 2026 թվականի մազերի հիմնական թրենդները՝ ընդգծելով, որ այս տարի թեթև անփույթ ոճերը աստիճանաբար զիջում են ավելի արտահայտիչ և կառուցվածքային կերպարներին։ Նրա խոսքով՝ ամենահայտնի սանրվածքներից մեկը դարձել է ուլտրակարճ պիքսի սանրվածքը, որը գլխին տալիս է հստակ և գրաֆիկական ձև։ Թրենդում են նաև երկարացված բոբը և 1970-ականների ոճով բազմաշերտ կասկադային սանրվածքները։

Մազերի հարդարման մեջ ևս նկատվում է նոր միտում։ Ամենահայտնի տարբերակներից մեկը համարվում է հարթ հավաքված փունջը, որը հաճախ լրացվում է տարբեր աքսեսուարներով՝ մազակալներով, ժապավեններով կամ դեկորատիվ կապերով։ Նորաձև են նաև կողային խոպոպները և խոպոպի այն ձևը, որը բաժանվում է մեջտեղից՝ մասամբ բացելով ճակատը։

Գունավորման առումով նույնպես կան մի քանի ակտուալ ուղղություններ։ Թրենդում են սառը շիկահերը, ինչպես նաև պաստելային երանգները՝ վարդագույնը, պղնձամարգարտյա գույնը և «շամպայնի շիկահերը»։ Մուգ մազերի համար ամենանորաձև երանգներն են «էսպրեսսո» և «լակրիցային բրյունետ» գույները։