Գտնվել է արյան շաքարի մակարդակը վերահսկելու պարզ միջոց
Հասարակություն
Ճապոնացի գիտնականները պարզել են, որ կանաչ թեյի կատեխիններով և ինուլին սննդային մանրաթելով պատրաստված ըմպելիքը կարող է օգնել օրգանիզմին ավելի լավ վերահսկել արյան մեջ շաքարի մակարդակը։ Հետազոտության արդյունքները հրապարակվել են Nutrients գիտական ամսագրում։
Փորձին մասնակցել է 96 մեծահասակ, ովքեր ունեն վիսցերալ ճարպակալում՝ վիճակ, երբ ճարպը կուտակվում է ներքին օրգանների շուրջ և մեծացնում է շաքարախտի ու այլ նյութափոխանակային խնդիրների վտանգը։ Մասնակիցները 12 շաբաթ շարունակ ամեն օր օգտագործել են ըմպելիք, որը պարունակում էր 400 միլիգրամ կանաչ թեյի կատեխիններ և 2,3 գրամ ինուլին։ Վերահսկիչ խումբը ստացել է պլացեբո։
Արդյունքները ցույց են տվել, որ ակտիվ բաղադրիչներով ըմպելիք օգտագործողների մոտ բարելավվել է ինսուլինի նկատմամբ զգայունությունը․ այսինքն՝ օրգանիզմի բջիջներն ավելի արդյունավետ են արձագանքել ինսուլինին և ավելի հեշտ են յուրացրել արյան մեջ գտնվող գլյուկոզան։ Գիտնականները նաև նկատել են, որ այս ազդեցությունը կարող է կապված լինել աղիքային միկրոֆլորայի փոփոխությունների հետ, սակայն վերջնական եզրակացությունների համար անհրաժեշտ են ավելի լայնածավալ հետազոտություններ։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
