ՀՀ-ում Իրանի դեսպանությունը մեղադրել է Բաքվին Նախիջևանին հարվածելու իմիտացիայի կազմակերպելու մեջ (տեսանյութ)

Հայաստանում Իրանի Իսլամական Հանրապետության ֆեյսբուքյան էջը հրապարակել է մի տեսանյութ՝ արված ադրբեջանական հեռուստաընկերություններից մեկի կողմից, որում պատմում են Նախիջևանի վրա իբր իրանական անօդաչուների գրոհի մասին։

«Ուշադրությու՛ն դարձրեք Բաքվի հեռուստաալիքի այս ռեպորտաժի 18-րդ վայրկյանին, որտեղ ներկայացվում է անօդաչու թռչող սարքի հարվածը Նախիջևանի տարածքին։ Սարքի բեկորների վրա հստակ երևում է «İstehsalat Birliyi» փորագրված գրությունը, որը ադրբեջաներեն նշանակում է «արտադրական միավորում»։ Ի վերջո, Բաքուն ինչի՞ է ձգտում», – գրել է  իրանական դիվանագիտական ներկայացուցչությունը։