ԲՏԱՆ-ն զգուշացնում է

ՀՀ բարձր տեխնոլոգիական արդյունաբերության նախարարությունը տեղեկացնում է, որ սոցիալական ցանցերում գործող «Ներուժ զարգացման հիմնադրամ» անվամբ էջը որևէ կապ չունի նախարարության «Ներուժ» ծրագրի հետ և քաղաքացիներին հորդորում է զգոն լինել կասկածելի առաջարկների նկատմամբ։

 

«Տեղեկացնում ենք, որ սոցիալական ցանցերում տարածվող «Ներուժ զարգացման հիմնադրամ» («neruzhfoundatio») անվամբ էջը և դրա կողմից տարածվող հրապարակումները որևէ առնչություն չունեն ՀՀ բարձր տեխնոլոգիական արդյունաբերության նախարարության և նրա կողմից իրականացված «Ներուժ» ծրագրի հետ։

 

«Տվյալ էջի հեղինակները թիրախավորված կերպով օգտագործում են նախարարության «Ներուժ» (Neruzh) հայտնի ծրագրի անվանումը և պաշտոնական միջոցառումների լուսանկարները՝ հանրության շրջանում վստահություն շահելու և թյուր տպավորություն ստեղծելու նպատակով։

 

Որոշ տվյալների համաձայն՝ էջի անունից քաղաքացիներին առաջարկվում են դասընթացներ և իրականացվում է գումարների հավաքագրում։ Պաշտոնապես հայտարարում ենք, որ այդ նախաձեռնությունները որևէ կապ չունեն նախարարության հետ։

Նմանատիպ էջերը հաճախ պարունակում են կասկածելի հղումներ, որոնք կարող են վտանգել ձեր անձնական տվյալների անվտանգությունը։

 

Հորդորում ենք լինել զգոն, զերծ մնալ անհայտ ծագման էջերին անձնական կամ բանկային տվյալներ տրամադրելուց և հետևել բացառապես նախարարության պաշտոնական աղբյուրներին»,- ասված է հաղորդագրությունում։