ԱՄՆ դատարանը պակիստանցի տղամարդուն մեղավոր է ճանաչել Թրամփի դեմ մահափորձ կազմակերպելու մեջ
Աշխարհ
Նյու Յորքի դատարանը Պակիստանի քաղաքացի Ասիֆ Մերչանտին մեղավոր է ճանաչել Իրանի կառավարության հետ ենթադրյալ դավադրության մեջ՝ ԱՄՆ պաշտոնյաների, այդ թվում՝ նախագահ Դոնալդ Թրամփի սպանության համար, հաղորդում է New York Times-ը։
«Պակիստանցի տղամարդը, որը մեղադրվում է Իրանի կառավարության հետ դավադրության մեջ՝ կառավարության պաշտոնյաների, այդ թվում՝ նախագահ Թրամփի սպանության համար, ուրբաթ օրը մեղավոր է ճանաչվել մարդասպաններ վարձելու, փաստաթղթեր գողանալու և ԱՄՆ բարձրաստիճան պաշտոնյաների սպանության ծրագիր իրականացնելու մեջ»,-հաղորդում է թերթը։
Հետաքննիչների տվյալներով՝ Ասիֆ Մերչանտը հարձակումը ծրագրել է 2020 թվականին՝ իրանցի գեներալ-մայոր Ղասեմ Սոլեյմանիի մահից հետո, որը սպանվել էր ամերիկյան անօդաչու թռչող սարքի կողմից։
Մեղադրողները պնդում են, որ նա այնուհետև սկսել է աշխատել Իրանի կառավարության համար և ձերբակալվել է Միացյալ Նահանգներում 2024 թվականին, երբ ՀԴԲ-ն իմացել է նրա ծրագրերի մասին։
Նշվում է, որ Մերչանտին սպառնում է ցմահ ազատազրկում։
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
