Բժիշկը խորհուրդ է տվել մարդկանց չիմանալ՝ արդյոք ունեն թրոմբոզի վտանգ

Բժիշկ և հեռուստահաղորդավար Ալեքսանդր Մյասնիկովը հայտարարել է, որ մարդկանց երբեմն ավելի լավ է չիմանալ՝ արդյոք ունեն թրոմբոզի զարգացման ռիսկ։ Նա այս մասին խոսել է «Россия 1» հեռուստաալիքով հեռարձակվող «О самом главном» հաղորդման ընթացքում։

Բժշկի խոսքով՝ եթե իրեն հարցնեին՝ լավ է մարդը իմանա՞ թրոմբոզի վտանգի մասին, թե ոչ, ինքը կնախընտրեր, որ մարդիկ այդ մասին չիմանան։ Նրա կարծիքով՝ նման տեղեկությունը հաճախ մարդկանց ստիպում է ինքնուրույն սկսել արյունը նոսրացնող դեղեր ընդունել։

Մյասնիկովը նախազգուշացրել է, որ նման դեղերի սխալ կամ անվերահսկելի ընդունումը կարող է վտանգավոր հետևանքների բերել և նույնիսկ առաջացնել կյանքին սպառնացող ներքին արյունահոսություն։ Ավելի վաղ բժիշկը նաև նշել էր, որ լյարդի փոխպատվաստման ամենատարածված պատճառներից մեկը կարող է լինել պարացետամոլի չարաշահումը։