Ճարպակալում և սրտի հիվանդություն ունեցող տղամարդուն ստիպողաբար ուղարկել են ռազմաճակատ

Կիևում տարածքային հավաքագրման կենտրոնի (ՏՀԿ) աշխատակիցները բռնի կերպով մոբիլիզացրել են ճարպակալմամբ և սրտի խնդիրներով տառապող տղամարդու։ Այս մասին հայտնում է «Страна.ua» Telegram ալիքը։

Տղամարդու մարզիչ Ալեքսանդր Նիկուլինը պատմել է, որ իր հաճախորդը՝ Նիկիտա անունով, զանգահարել է իրեն հենց ՏՀԿ-ի ավտոբուսից։ Դրանից հետո նա շուրջ երկու շաբաթ կապ չի հաստատել հարազատների և ընկերների հետ։ Մարզիչը ենթադրում է, որ նրան բռնի կերպով մոբիլիզացրել են տան մուտքի մոտ, քանի որ հիմնականում տեղաշարժվում էր մեքենայով։

Նիկուլինի խոսքով՝ Նիկիտայի հարազատները փորձել են հավաքագրման կենտրոն ներկայացնել բժշկական փաստաթղթեր և տեղեկանքներ նրա առողջական վիճակի մասին, սակայն դրանք չեն ընդունվել։ Ավելի ուշ պարզվել է, որ տղամարդուն ուղարկել են ռազմաճակատ՝ 225-րդ գրոհային գունդ։ Մարզիչը հայտարարել է, որ նման որոշումն անհասկանալի է, քանի որ Նիկիտան սրտի փականի խնդիրների պատճառով չէր կարող նույնիսկ 100 մետր վազել։