Ռուսաստանում հայտնաբերվել է հեղափոխության շրջանի ոսկե մետաղադրամների գանձ

Տվերի մարզի Տորժոկ քաղաքում ռուսաստանցի հնագետները հայտնաբերել են հեղափոխության շրջանի ոսկե մետաղադրամների մեծ գանձ։ Այս մասին հայտնում է Ռուսաստանի գիտությունների ակադեմիայի Հնագիտության ինստիտուտը։

Գանձը հայտնաբերվել է 2025 թվականին՝ Սադովայա փողոցում նոր շինարարությունից առաջ իրականացվող հնագիտական հետազոտությունների ընթացքում։ Հնագետները հայտնաբերել են Երկրորդ համաշխարհային պատերազմի ժամանակ ավերված տան տեղում կառուցված հին փայտե տան մնացորդներ, իսկ նկուղի փոսում՝ կավե կուժ, որի մեջ եղել է 409 ոսկե մետաղադրամ՝ հատած 1848-ից մինչև 1911 թվականներին։

Մասնագետների խոսքով՝ մետաղադրամների մեծ մասը եղել է 5-ից 15 ռուբլի անվանական արժեքով և վերաբերում է Նիկոլայ II-ի ժամանակաշրջանին, սակայն գանձում եղել են նաև Ալեքսանդր II-ի և Նիկոլայ I-ի կառավարման տարիներին թողարկված մետաղադրամներ։ Գանձի ընդհանուր արժեքը կազմել է 4070 ոսկե ռուբլի։ Գիտնականները դեռ փորձում են պարզել, թե ում է պատկանել գանձը, որը շուտով կփոխանցվի Համառուսական պատմա-էթնոգրաֆիական թանգարան։