Հնդկաստանն իրանական ռազմանավի հետ կապված՝ «դժվար դրության» մեջ է. Bloomberg

Ամերիկյան Bloomberg լրատվական գործակալության փոխանցմամբ՝ Հնդկաստանի իշխանությունները հայտնվել են «դժվարին իրավիճակում»՝ իրանական ռազմանավին ապաստան տրամադրելուց հետո։

«Հնդկաստանը հայտարարել է, որ թույլ է տվել իրանական ռազմանավին կանգ առնել իր նավահանգստում մի քանի օր առաջ` նախքան ամերիկյան սուզանավի կողմից մեկ այլ իրանական ֆրեգատի խորտակումը», - նշվում է հոդվածում։

Խոսքը IRIS Lavan նավի մասին է, որն այժմ կայանված է Կոչի նավահանգստում։ Հնդիկ պաշտոնյայի խոսքով՝ փետրվարի 28-ին Թեհրանը խնդրել է Նյու Դելիին շտապ տեղավորել նավը՝ վկայակոչելով «տեխնիկական խնդիրներ»։ Հարցումը հաստատվել է մարտի 1-ին։ Հնդկաստանի արտաքին գործերի նախարար Սուբրամանյամ Ջայշանկարը հայտարարել է, որ իրանական նավին, որի վրա գտնվում է 183 մարդ, թույլատրվել է կանգ առնել մարդասիրական պատճառներով՝ չնայած լարված քաղաքական իրավիճակին։