Իսրայելը հարվածել է Բեյրութի կլինիկային

Իսրայելական ինքնաթիռները հարվածել են Բեյրութի հարավային արվարձանների Մաամուրա թաղամասի առողջապահական կլինիկային, հաղորդում է ՌԻԱ Նովոստին՝ հղում անելով ականատեսներին։

«Իսրայելական ինքնաթիռները ռմբակոծել են Մաամուրայի առողջապահական կլինիկան. մնացել են միայն այրված հիմնասյուները», - ասել է գործակալության աղբյուրը։

Ականատեսների խոսքով՝ շենքում տեղակայված են եղել բազմաթիվ տեղացի մասնագետների ռուսական և խորհրդային համալսարանների շրջանավարտների մասնավոր բժշկական պրակտիկաներ։ Նախնական հաղորդագրությունները ցույց են տալիս, որ հարվածի պահին ոչ ոք շենքում չի եղել։