Իրանը հարված է հասցրել «Louise» լցանավին Պարսից ծոցում

Իրանը հարված է հասցրել «Louise» նավթատար լցանավին Պարսից ծոցում։ Այս մասին հայտնել է իրանական պետական հեռարձակողը (IRIB)։

Հաղորդման համաձայն՝ հարձակման թիրախ է դարձել Մարշալյան կղզիների դրոշի ներքո նավարկող նավը։ Չի բացառվում, որ լցանավը կապ ունի ԱՄՆ-ի տնտեսական ակտիվների հետ։

Ավելի վաղ արևմտյան լրատվամիջոցները տեղեկացրել էին, որ ամերիկյան զինված ուժերը բավարար պաշտպանական միջոցներ չունեն իրանական «Շահեդ» տեսակի անօդաչու թռչող սարքերի դեմ։ Նրանց տվյալներով՝ ամերիկացի զինվորականները ստիպված են օգտագործել իրենց տրամադրության տակ եղած պաշտպանական միջոցները, ինչը պահանջում է լրացուցիչ ֆինանսական ծախսեր։