Թուրքիան վեց F-16 կործանիչ է տեղակայել Հյուսիսային Կիպրոսում

Թուրքիայի պաշտպանության նախարարությունը հայտարարել է, որ երկուշաբթի օրվանից Հյուսիսային Կիպրոսում տեղակայվել են վեց F-16 կործանիչներ և ՀՕՊ համակարգեր։

«Մեր տարածաշրջանում տեղի ունեցած վերջին զարգացումների լույսի ներքո և չճանաչված Հյուսիսային Կիպրոսի Թուրքական Հանրապետության ՀԿԹՀ անվտանգությունն ամրապնդելու աստիճանական միջոցառումների շրջանակներում, այսօրվանից ՀԿԹՀ-ում տեղակայվել են վեց F-16 կործանիչներ և ՀՕՊ համակարգեր։

Անհրաժեշտության դեպքում և զարգացումներից կախված՝ կձեռնարկվեն լրացուցիչ միջոցառումներ», -ասվում է նախարարության հայտարարության մեջ։