Մադուրոն հավատքի ուղերձ է հղել Վենեսուելային

Վենեսուելայի նախագահ Նիկոլաս Մադուրոն, որը ձերբակալված է Միացյալ Նահանգներում, աղոթք և հավատքի ուղերձ է հղել Բոլիվարյան Հանրապետությանը: Այս մասին Instagram-ում հայտարարել է նրա որդին՝ Նիկոլաս Մադուրո Գուերան, որը Վենեսուելայի Ազգային ժողովի (խորհրդարանի) անդամ է: 

«Հիսուսը մեզ սովորեցրեց, որ եթե հավատք ունենանք և չկասկածենք, նույնիսկ այս լեռանը կասենք. «Բարձրացի՛ր և ծովը նետվի՛ր», և այդպես էլ կլինի։

Տուր մեզ այս անկեղծ և համընդհանուր հավատը՝ տեղաշարժելու դժվարությունների լեռները, որոնք երբեմն մեզ հետ են պահում, և դրանք վերածելու մեր հայրենիքի համար ազատ ուղու», - գրել է նախագահը, թողնելով իր ստորագրությունը, հաղորդել է Մադուրո Գուերրան։

Հունվարի 3-ին Միացյալ Նահանգները հարձակվել է Վենեսուելայի քաղաքացիական և ռազմական թիրախների վրա՝ գերի վերցնելով և տարհանելով Բոլիվարյան Հանրապետության նախագահ Նիկոլաս Մադուրոյին և նրա կնոջը՝ Սիլիա Ֆլորեսին։