Աճել է MP3 նվագարկիչների պահանջարկը՝ սթրիմինգ ծառայությունների սահմանափակումների պատճառով

Ռուսաստանում 2026 թվականի փետրվարին MP3 նվագարկիչների պահանջարկը աճել է 23 տոկոսով։ Այս մասին հայտնում է Baza-ն՝ նշելով, որ շատ քաղաքացիներ սկսել են ակտիվորեն գնել այդ սարքերը սթրիմինգային հարթակներում սահմանափակումների ուժեղացման ֆոնին։

Պահանջարկի աճի պատճառը դարձել են թմրամիջոցների քարոզչությանը վերաբերող օրենսդրական փոփոխությունները։ Մարտի 1-ից սկսած կատարողները և երաժշտական լեյբլները կարող են տուգանվել արգելված նյութերի հիշատակումների համար, ինչի արդյունքում սթրիմինգային ծառայությունները սկսել են մաքրել բովանդակությունը՝ կրճատելով բառեր, տողեր կամ նույնիսկ ամբողջ երգեր և ալբոմներ։

Այս իրավիճակում շատ օգտատերեր նախընտրում են վերադառնալ MP3 նվագարկիչների օգտագործմանը, որտեղ ներբեռնված երգերը չեն ջնջվի կամ փոփոխվի առանց իրենց գիտության։ Միաժամանակ, «Պլատֆորմա ՕՖԴ»-ի տվյալներով՝ Ռուսաստանում աճում է նաև CD սկավառակների, վինիլային ձայնապնակների և աուդիոկասետների պահանջարկը, ինչը փորձագետները կապում են նոստալգիայի և երաժշտական հավաքածուներ ստեղծելու հետաքրքրության հետ։