Բժիշկը զգուշացնում է․ գրիպի ժամանակ ջերմության բացակայությունը կարող է վտանգավոր ազդանշան լինել

Գրիպով հիվանդացած մարդկանց մոտ մարմնի ջերմության բացակայությունը կարող է վտանգավոր ախտանշան լինել և պետք է զգուշացնի հիվանդին։ Այդ մասին հայտարարել է Ի. Մեչնիկովի անվան պատվաստանյութերի և շիճուկների գիտահետազոտական ինստիտուտի տնօրեն, Ռուսաստանի գիտությունների ակադեմիայի թղթակից անդամ Օքսանա Սվիտիչը։

Բժշկի խոսքով՝ գրիպի դեպքում սովորաբար մարմնի ջերմաստիճանը բարձրանում է մինչև 38–39 աստիճան, ինչը բնական պաշտպանական ռեակցիա է։ Սակայն որոշ դեպքերում ջերմություն չի լինում, և դա կարող է վկայել, որ օրգանիզմը չի պայքարում հիվանդության դեմ։ «Դա պետք է զգուշացնի, քանի որ նշանակում է՝ օրգանիզմը չի արձագանքում վարակի դեմ պայքարին», — նշել է մասնագետը։

Սվիտիչը բացատրել է, որ բարձր ջերմաստիճանի դեպքում օրգանիզմը արտադրում է ինտերֆերոններ՝ հատուկ սպիտակուցներ, որոնք օգնում են պայքարել վիրուսի դեմ։ Եթե ջերմությունը չի բարձրանում, ապա դա կարող է նշանակել, որ իմունային պաշտպանությունը թուլացած է։