Ռուսական ուժերը վերահսկողության տակ են վերցրել Գոլուբովկա գյուղը Դոնեցկում

Ռուսական բանակը վերահսկողության տակ է վերցրել Գոլուբովկա գյուղը Դոնեցկի ժողովրդական հանրապետությունում։ Այդ մասին հայտնել է Ռուսաստանի պաշտպանության նախարարությունը՝ նշելով, որ բնակավայրը գտնվում է Կրամատորսկի շրջանում։

Ռազմական փորձագետ, պահեստազորի գնդապետ Անատոլի Մատվեյչուկի խոսքով՝ այս քայլը վկայում է Ռուսաստանի նպատակների մասին՝ առաջ շարժվել դեպի Կրամատորսկ և Սլավյանսկ քաղաքներ։ Նրա գնահատմամբ՝ այդ տարածաշրջանը կարևոր արդյունաբերական գոտի է և ռազմավարական նշանակություն ունի Դոնեցկի վարչական սահմանների վերահսկողության տեսանկյունից։

Փորձագետը նշել է նաև, որ ուկրաինական ուժերը որոշ հատվածներում հետ են քաշում իրենց ստորաբաժանումները առաջնագծից՝ փորձելով ուժերը կենտրոնացնել պաշտպանության խորքային գծերում և պաշտպանել ամրացված դիրքերը։ Ավելի վաղ հաղորդվել էր նաև, որ ռուսական բանակը գրավել է Խարկովի մարզի Կրուգլոյե գյուղը։