Ռուսաստան է վերադարձել ավելի քան 45 հազար մարդ Մերձավոր Արևելքից

Մարտի 2-ից 8-ն ընկած ժամանակահատվածում Մերձավոր Արևելքի երկրներից Ռուսաստան է տեղափոխվել ավելի քան 45 հազար ուղևոր։ Այդ մասին հայտնել է Ռուսաստանի տրանսպորտի նախարարությունը՝ ներկայացնելով տարհանման և տեղափոխման ընթացքի մանրամասները։

Գերատեսչության տվյալներով՝ նշված ժամանակահատվածում իրականացվել է 219 ավիաչվերթ, որոնց միջոցով ուղևորները վերադարձել են Ռուսաստան։ Նախարարությունում նշել են, որ ուղևորափոխադրումների ժամանակացույցը կազմվել է մինչև մարտի 10-ը՝ ներառելով նաև նախկինում գնված ավիատոմսերի վերամրագրումը։

Միաժամանակ նախատեսվում է ևս 7,5 հազարից ավելի մարդ տեղափոխել Մերձավոր Արևելքից Ռուսաստան 33 չվերթով։ Դրանցից 31-ը կիրականացվեն ռուսական և օտարերկրյա ավիաընկերությունների կողմից ԱՄԷ-ից, իսկ մեկական չվերթ նախատեսված է Կատարից և Օմանից։ Ավելի վաղ Ռուսաստանի նախագահ Վլադիմիր Պուտինը հանձնարարել էր Արտակարգ իրավիճակների նախարարությանը և ԱԳՆ-ին կազմակերպել տարածաշրջանում մնացած ռուսաստանցիների վերադարձը հայրենիք։