Բժիշկը զգուշացնում է․ մրսածության ժամանակ ալկոհոլ օգտագործելը կարող է վտանգավոր լինել

Մրսածության բուժումը ալկոհոլով ոչ միայն անարդյունավետ է, այլ նաև կարող է վտանգավոր լինել առողջության համար։ Այդ մասին հայտարարել է նարկոլոգ, «Ալկոմեդ» կլինիկայի նարկոլոգիայի բաժնի ղեկավար Անդրեյ Տյուրինը՝ նշելով, որ նման «բուժումը» կարող է դանդաղեցնել ապաքինումը և առաջացնել լուրջ բարդություններ։ Այս մասին հայտնում է «Լենտա.ռու»-ն։

Բժշկի խոսքով՝ օղիով կամ ալկոհոլային «հակամրսածային կոկտեյլներով» բուժումը գիտական հիմք չունի։ Ալկոհոլը չի ոչնչացնում վիրուսը, այլ ընդհակառակը՝ թուլացնում է իմունային համակարգը՝ նվազեցնելով հակամարմինների արտադրությունը և վիրուսների դեմ պայքարող լեյկոցիտների քանակը։ Արդյունքում հիվանդությունը կարող է երկարաձգվել, իսկ բարդությունների հավանականությունը՝ աճել։

Տյուրինի խոսքով՝ մրսածության ժամանակ օրգանիզմը արդեն գտնվում է ծանրաբեռնված վիճակում՝ բարձր ջերմության և թունավորման պատճառով։ Ալկոհոլը լրացուցիչ ծանրաբեռնում է սրտանոթային համակարգը՝ բարձրացնելով սրտի աշխատանքի հաճախականությունը և մեծացնելով տախիկարդիայի, ճնշման կտրուկ փոփոխությունների ու վտանգավոր առիթմիաների ռիսկը։ Բժիշկը նախազգուշացնում է, որ հատկապես սրտի թաքնված խնդիրներ ունեցող մարդկանց համար նման «բուժումը» կարող է նույնիսկ մահացու լինել։