Գիտնականները Նոր Գվինեայում հայտնաբերել են կենդանիներ, որոնք համարվում էին անհետացած 6000 տարի առաջ

Ավստրալացի գիտնականները Նոր Գվինեայում հայտնաբերել են երկու տեսակի կուսկուսների ընտանիքին պատկանող պոսսումներ, որոնք երկար ժամանակ համարվում էին անհետացած։ Այդ մասին հայտնում է Records of the Australian Museum գիտական հանդեսը։

Գիտնականները արևադարձային անտառներում՝ Չենդրավասիխ թերակղզում, հայտնաբերել են օղակապոչ կուսկուս և մոտ 200 գրամ քաշ ունեցող գաճաճ երկարամատ պոսսում։ Վերջինիս առանձնահատկությունն այն է, որ յուրաքանչյուր թաթի չորրորդ մատը երկու անգամ երկար է մյուսներից, ինչը կենդանուն օգնում է ծառերի կեղևի ճեղքերից հեշտությամբ դուրս բերել միջատների թրթուրներ։

Հետազոտողների խոսքով՝ այս հազվագյուտ կենդանիների հայտնաբերմանը մեծապես նպաստել են տեղական պապուասական մայբրատ և տամբրավ ցեղերը, որոնք պոսսումներին համարում են սուրբ կենդանիներ և գիտեին դրանց բնակության վայրերի մասին։