Ռուսաստանը կարող է չսպասել՝ մինչ Եվրոպան ամբողջությամբ հրաժարվի ռուսական նավթից ու գազից. Պուտին

Ռուսաստանի նախագահ Վլադիմիր Պուտինը Կրեմլում կայացած գլոբալ նավթի և գազի շուկաների հանդիպման ժամանակ հայտնել է, որ Ռուսաստանը կարող է որոշել վերակազմավորել իր նավթի և գազի մատակարարումները Եվրոպայից դեպի այլ հաճախորդներ՝ մինչ Եվրամիությունը վերջնականորեն դուռը փակելու որոշում ընդունի։

Նա նշել է, որ ապրիլի 25-ից ԵՄ երկրները ծրագրում են խստացնել Ռուսաստանի  նկատմամբ սահմանափակումները, ներառյալ հեղուկացված բնական գազը (LNG), որը նախատեսվում է ամբողջովին արգելել 2027 թվականին։

«Այս կապակցությամբ կառավարությունը արդեն դրել է այն նպատակադրումը՝ գնահատել եվրոպական շուկաներում մեր վառելիքի մատակարարումները դադարեցնելու հնարավորությունն ու նպատակահարմարությունը՝ առանց սպասելու, որ դուռը մեր դիմաց ցուցադրական փակվի», — նշել է Պուտինը։ «Առաջնահերթն այն է, որ դա իրականացվի հիմա, այդ ծավալները Եվրոպական շուկաներից տեղափոխվեն ավելի հուսալի և հեռանկարային ուղղություններ, և, ամենակարևորն՝ այնտեղ կայուն դիրքավորվենք»։