Ֆիդանը Արաղչիին ասել է, որ Թուրքիայի օդային տարածքի խախտումը անընդունելի է

Իրանի իր գործընկեր Աբբաս Արաղչիի հետ հեռախոսազրույցում Թուրքիայի արտգործնախարար Հաքան Ֆիդանը հայտարարել է, որ Իրանի կողմից Թուրքիայի օդային տարածքի խախտումը անընդունելի է, և որ Անկարան կձեռնարկի պատասխան միջոցներ: TASS-ին հայտնել է Թուրքիայի արտգործնախարարության աղբյուրը։

«Նախարար Ֆիդանը ընդգծել է, որ Թուրքիայի օդային տարածքի խախտումը անընդունելի է, և որ Թուրքիան կշարունակի ձեռնարկել բոլոր անհրաժեշտ պատասխան միջոցները: Նա նաև նշել է, որ հակամարտության բոլոր կողմերը պետք է զերծ մնան գործողություններից, որոնք կարող են խաթարել տարածաշրջանային անվտանգությունը և սպառնալիք ներկայացնել քաղաքացիական բնակչության համար», - նշել է աղբյուրը։

Իր հերթին Արաղչին հայտարարել է, որ Թուրքիայի օդային տարածք ուղղվող հրթիռները չեն արձակվել Իրանի տարածքից: Նա վստահեցրել է, որ այդ հարցի վերաբերյալ համապարփակ հետաքննություն կանցկացվի։

Ավելի վաղ Թուրքիայի նախագահ Ռեջեփ Թայիփ Էրդողանը հավաստիացումներ է ստացել իր իրանցի գործընկեր Մասուդ Պեզեշկիանից։