Samsung Galaxy S26 սմարթֆոններում հայտնաբերվել են մինչև 17 ԳԲ նախապես տեղադրված հավելվածներ

Նոր Samsung Galaxy S26 սմարթֆոններում հայտնաբերվել է մեծ քանակությամբ նախապես տեղադրված հավելվածներ, որոնք ընդհանուր առմամբ զբաղեցնում են մոտ 17 գիգաբայթ հիշողություն։ Այդ մասին հայտնում է Android Authority-ը՝ ուսումնասիրելով Galaxy S26 Ultra մոդելը։

Լրագրողների տվյալներով՝ սարքում առկա են բազմաթիվ հավելվածներ, որոնք շատ օգտատերերի համար քիչ օգտակար են կամ կրկնում են միմյանց գործառույթները։ Դրանց թվում են Facebook, Instagram, Spotify, ինչպես նաև Microsoft-ի մի շարք ծրագրեր՝ Copilot, OneDrive, LinkedIn և Outlook։ Բացի այդ, հեռախոսում միաժամանակ առկա են երկու հավելվածների խանութ, երկու բրաուզեր, երկու էլեկտրոնային փոստի ծրագիր և երկու ձայնային օգնական։

Մասնագետների հաշվարկով՝ նախապես տեղադրված ծրագրային ապահովումը զբաղեցնում է մոտ 17 ԳԲ, իսկ օպերացիոն համակարգի հետ միասին սմարթֆոնի հիշողության մոտ 40 ԳԲ-ն արդեն զբաղված է հենց տուփից հանելու պահին։ Փորձագետները նշել են, որ մոտ 1300 դոլար արժողությամբ սարքի համար նման ծավալի «ավելորդ» ծրագրեր ունենալը կարող է դժգոհություն առաջացնել օգտատերերի շրջանում։