Պենտագոնի ղեկավարը կոչ է արել Իրանի նոր առաջնորդին լսել Թրամփին

ԱՄՆ պաշտպանության նախարար Փիթ Հեգսեթը հայտարարել է, որ Իրանի նոր գերագույն առաջնորդ Մոջթաբա Խամենեին պետք է լսի ԱՄՆ նախագահ Դոնալդ Թրամփի կոչերը և հրաժարվի միջուկային զենք ունենալու մտադրությունից։ Այդ մասին հայտնում է CNN-ը։

Հեգսեթի խոսքով՝ Իրանի նոր ղեկավարության համար խելամիտ կլինի բացահայտ հայտարարել, որ երկիրը չի ձգտում միջուկային զենք ստեղծել։ Նրա խոսքով՝ հենց այդ ուղերձն է հնչեցնում ԱՄՆ նախագահը, որը կոչ է անում Թեհրանին հրաժարվել նման ծրագրերից։

Միևնույն ժամանակ լրագրողները հարցրել են պաշտպանության նախարարին նաև այն լուրերի մասին, թե հնարավոր հարվածների հետևանքով Խամենեին կարող էր վիրավորվել։ Հեգսեթը պատասխանել է, որ չի կարող մեկնաբանել այդ տեղեկությունները։ Ավելի վաղ The Wall Street Journal-ը գրել էր, որ Թրամփը կարող է աջակցել Խամենեի դեմ հարձակմանը, եթե Թեհրանը չհրաժարվի իր միջուկային ծրագրից։