Իրավապահները մասնավոր տանը հայտնաբերել են խոշոր թմրանյութերի լաբորատորիա

Պսկովի մարզում իրավապահները բացահայտել են խոշոր թմրանյութերի լաբորատորիա, որը գործում էր մասնավոր տանը։  Այդ մասին հայտնում է    «Լենտա.ռու»-ն՝ հղում անելով տարածաշրջանային ՆԳ վարչությանը։

Քննության տվյալներով՝ 42-ամյա տեղացի բնակիչը իր տանը կազմակերպել էր սինթետիկ թմրանյութերի արտադրության ամբողջական գործընթաց։ Տան խուզարկության ընթացքում ոստիկանները հայտնաբերել են ավելի քան 25 կիլոգրամ պատրաստի մեդեֆեդրոն, ինչպես նաև 162 տարա քիմիական նյութեր՝ 5-ից մինչև 20 լիտր տարողությամբ։

Տանը հայտնաբերվել են նաև քիմիական պաշտպանության հագուստ, շնչառական սարքեր, ջերմային սարքավորումներ և լաբորատոր այլ սարքեր։ Իրավապահների տվյալներով՝ կասկածյալը պատրաստվում էր թմրանյութերի մեծ խմբաքանակ տարածել «զակլադկա» մեթոդով։ Տան սեփականատերը ձերբակալվել է։