Իսրայելը ռմբակոծել է Բեյրութի կենտրոնը

Իսրայելական ինքնաթիռները հարվածել են Լիբանանի կենտրոնական մասում գտնվող Այշատ Բաքքար թաղամասին, ՏԱՍՍ-ին հայտնել է Լիբանանի քաղաքացիական պաշտպանության աղբյուրը։

Հրթիռները հարվածել են բազմահարկ շենքի, ինչի հետևանքով՝ հրդեհ է բռնկվել։ Դեպքի վայր են ուղարկվել հրշեջ մեքենաներ և շտապօգնության մեքենաներ։ Գործակալության աղբյուրի խոսքով՝ ինքնաթիռի թիրախը, հավանաբար, եղել է շիական «Հեզբոլլահ» զինյալ խմբավորման բարձրաստիճան անդամը։

Այշատ Բաքքարի բնակիչները նախապես չեն տարհանվել իրենց տներից։ Այս թաղամասում ներկայումս բնակվում են զգալի թվով փախստականներ, որոնք վերջին օրերին ժամանել են հարավային Լիբանանից։