Եվրահանձնաժողովը հայտարարել է, որ գազի և նավթի պակաս չի տեսնում, բայց պատրաստ է միջոցներ ձեռնարկել

ԵՄ-ն ներկայումս գազի կամ նավթի պակաս չի տեսնում, բայց պատրաստ է ձեռնարկել բոլոր միջոցները, այդ թվում՝ ճգնաժամային պաշարների ազատումը, ասել է Եվրահանձնաժողովի խոսնակ Աննա-Կայսա Իտկոնենը։

«Մենք ներկայումս ԵՄ երկրներում գազի կամ նավթի պակաս չենք տեսնում, բայց հաշվի առնելով աշխարհաքաղաքական իրավիճակը՝ մենք պատրաստ ենք ձեռնարկել բոլոր անհրաժեշտ միջոցները, այդ թվում՝ Միջազգային էներգետիկ գործակալության ճգնաժամային պաշարների օգտագործման վերաբերյալ առաջարկությունները», - ասել է նա Բրյուսելում կայացած ճեպազրույցի ժամանակ։

Ըստ նրա, ԵՄ երկրները կարող են ինքնուրույն որոշել ճգնաժամային պաշարների որոշակի քանակություն օգտագործել։ «Այնուամենայնիվ, նրանք պարտավոր են այդ մասին տեղեկացնել Եվրահանձնաժողովին», - հավելել է Եվրահանձնաժողովի խոսնակը։