Թեհրանի բնակիչները բողոքել են մաշկի և աչքերի գրգռվածությունից «սև անձրևից» հետո

Թեհրանի բնակիչները միգրեն, հազ, մաշկի ու աչքերի  շրջանում գրգռվածություն են զգացել, երբ ԱՄՆ-ի և Իսրայելի կողմից նավթի պահեստների վրա հարվածներից հետո երկնքից «սև անձրևի» տեսքով մասնիկներ են թափվել, հաղորդում է The New York Times (NYT)-ը։

Մի բնակիչ թերթին ասել է, որ տնից դուրս գալուց կարճ ժամանակ անց քոր է զգացել, իսկ դեմքը ծածկվել է «սև կետերով»։ Մեկ այլ տուժած այրոց է զգացել աչքերում՝ համեմատելով այդ ախտանիշները արցունքաբեր գազի ազդեցության հետ։ Որոշ բնակիչներ նաև հայտնել են, որ իրենց մեքենաները պատված են խիտ, յուղոտ թաղանթով։

Մասնագետները նշում են, որ այրվող նավթը մթնոլորտ է արտանետում հսկայական քանակությամբ ածխաթթու գազ, ինչը յուրաքանչյուրի մոտ խեղդում է առաջացնում։ Օդ են արտանետվել բազմաթիվ քաղցկեղածին նյութեր և վտանգավոր գազեր, այդ թվում՝ ծծմբի երկօքսիդ, ինչպես նաև ծանր մետաղներ, ինչպիսիք են կապարը, մկնդեղը և սնդիկը։

Օդում մնացած քիմիական նյութերը առաջացնում են մաշկի և աչքերի գրգռվածություն և երկարաժամկետ հեռանկարում կարող են հանգեցնել սրտի և թոքերի հիվանդությունների, քաղցկեղի և նյարդաբանական խանգարումների։