Գնաճը «բելյաշի օրինակով»․ Պետդումայի ճաշարանում գինը երկու տարում աճել է 40 ռուբլով

Ռուս լրագրող Ալեքսանդր Յունաշևը ցույց է տվել Ռուսաստանում գնաճի աճը՝ օրինակ բերելով Պետդումայի ճաշարանում վաճառվող բելյաշի գնի փոփոխությունը։ Այս մասին նա գրել է իր Telegram ալիքում։

Լրագրողի խոսքով՝ 2024 թվականին բելյաշը արժեր 90 ռուբլի, իսկ 2025 թվականի հունվարին դրա գինը աճել է մոտ 20 տոկոսով՝ հասնելով 110 ռուբլու։ Նույն տարվա ամռանը այն թանկացել է մինչև 120 ռուբլի, իսկ 2026 թվականին արդեն վաճառվում է մոտ 130 ռուբլով։

Այսպիսով, երկու տարվա ընթացքում բելյաշի գինը աճել է շուրջ 40 ռուբլով։ Յունաշևը կատակով նշել է, որ նման աճը կարող է նույնիսկ «ներդրումային հնարավորություն» թվալ՝ առաջարկելով ներդրում անել սառեցված բելյաշների մեջ։ Միևնույն ժամանակ տնտեսագետները զգուշացնում են, որ Ռուսաստանում բարձր գնաճի պայմաններում տնտեսությունը կարող է կանգնել ստագֆլյացիայի վտանգի առաջ։