Իրանը տասնյակ ականներ է տեղադրել Հորմուզի նեղուցում․ Reuters

Իրանն արդեն մոտ մեկ տասնյակ ականներ է տեղադրել Հորմուզի նեղուցում, հաղորդում է Reuters-ը՝ հղում անելով երկու աղբյուրների։

Գործակալությունը նշում է, որ սա կարող է բարդացնել նեղուցի վերաբացումը, որը կարևորագույն երթուղի է նավթի և հեղուկ բնական գազի փոխադրման համար։

Նշվում է, որ ԱՄՆ-ի և Իսրայելի կողմից 12 օր առաջ սկսված պատերազմի պատճառով այս ռազմավարական նեղուցով նավթի և հեղուկ բնական գազի արտահանումը գործնականում դադարեցվել է։

Այս իրավիճակը հանգեցրել է էներգակիրների համաշխարհային գների կտրուկ աճի։

Աղբյուրը նշել է, որ ականների մեծ մասի ճշգրիտ գտնվելու վայրերը հայտնի են, բայց ԱՄՆ-ն չի բացահայտել, թե ինչպես է նախատեսում դրանց դեմ պայքարել։