Իրանը վրեժ կլուծի երկրի ամենահին բանկի վրա հարձակման համար․ Արաղչի

ԱՄՆ-ն և Իսրայելը հարված են հասցրել Իրանի ամենահին բանկերից մեկին այն պահին, երբ ներսում գտնվում էին աշխատակիցները։ Այդ մասին հայտարարել է Իրանի Իսլամական Հանրապետության արտաքին գործերի նախարար Աբբաս Արաղչին։

«Իրանի ազգային ենթակառուցվածքը ենթարկվել է հարձակման։ Այս անգամ ռմբակոծվել է իմ երկրի ամենահին բանկի մասնաճյուղը, որի ներսում գտնվում էին բազմաթիվ աշխատակիցներ։ Նրանք աշխատում էին, որպեսզի Նոր տարվա նախաշեմին ապահովեն իրանցիներին սննդով», — գրել է Արաղչին X սոցիալական հարթակում։

Նա ընդգծել է, որ Իրանի զինված ուժերը «վրեժ կլուծեն այս հանցագործության համար»։