Նավթի գները շարունակում են աճել

Իրաքի ափերի մոտ տանկերների վրա հարձակումից հետո նավթի գները շարունակել են աճել, հաղորդում է ՌԻԱ Նովոստին՝ հղում անելով առևտրի տվյալներին։

Երևանի ժամանակով՝ ժամը 08:54-ի դրությամբ՝ Brent նավթի մայիսյան ֆյուչերսների գինը մեկ բարելի համար նախորդ փակման համեմատ աճել էր 9,5%-ով՝ հասնելով 100,72 դոլարի։ Ապրիլյան WTI նավթի ֆյուչերսները աճել էին 8,78%-ով՝ հասնելով 94,91 դոլարի մեկ բարելի համար։

Մարտի 12-ին հաղորդվել էր, որ օտարերկրյա ընկերություններին պատկանող երկու նավթատարներ կրակի տակ են հայտնվել Իրաքի ափերի մոտ՝ Քուվեյթի հետ սահմանին։ Իրավապահ մարմինները հայտարարել են, որ հարձակված նավերը «կարող են կապված լինել Միացյալ Նահանգների հետ»։ Հարձակման հետևանքով նավերի վրա պայթյուն և հրդեհներ են բռնկվել։ Երկու տանկերներն էլ զգալիորեն վնասվել են։ Չհաստատված հաղորդագրությունների համաձայն՝ հարձակումն իրականացրել է Իրանը։