Հունգարիան մտադիր է արգելափակել Ռուսաստանի դեմ պատժամիջոցները

Հունգարիան կարգելափակի ԵՄ-ի կողմից Ռուսաստանի դեմ պատժամիջոցների 20-րդ փաթեթի ընդունումը, մինչև Ուկրաինան չվերսկսի ռուսական նավթի տարանցումը «Դրուժբա» խողովակաշարով, հայտարարել է Հունգարիայի վարչապետի գրասենյակի ղեկավար Գերգելի Գուլյասը։ 

«20-րդ պատժամիջոցների փաթեթը կարգելափակվի մինչև Ուկրաինան չվերսկսի «Դրուժբա» նավթատարի գործունեությունը», - ասել է Գուլյասը Հունգարիայի կառավարության նիստից հետո տեղի ունեցած մամուլի ասուլիսում։

Նա նաև նշել է, որ վարչապետ Վիկտոր Օրբանը կպաշտպանի այս դիրքորոշումը մարտի 19-20-ը Բրյուսելում կայանալիք ԵՄ գագաթնաժողովում։ Ինչպես ընդգծել է վարչապետի գրասենյակի ղեկավարը, որը կառավարությունում նախարարի պաշտոն ունի, եթե Զելենսկին «չհրաժարվի Հունգարիայի դեմ նավթային շրջափակումից, մենք թույլ չենք տա, որ ԵՄ մյուս երկրները համատեղ վարկեր տրամադրեն Ուկրաինային»։