Guardian. Իսրայելը պատերազմ սկսեց Իրանի դեմ՝ առանց «ռեժիմի փոփոխության» հստակ ծրագրի

Իսրայելը ռազմական գործողություն է սկսել Իրանի դեմ՝ առանց «ռեժիմի փոփոխության» հստակ ծրագրի, հաղորդում է բրիտանական The Guardian թերթը՝ հղում անելով իսրայելական հետախուզության աղբյուրներին։

Ըստ թերթի՝ Իսրայելը հույս ուներ, որ Իրանի ռմբակոծությունն ինքնին կհանգեցնի բողոքի ցույցերի երկրում, որոնք «կտապալեն գործող կառավարությունը»։ Թերթը հավելում է, որ այս նպատակին չհասնելու պատճառով Իսրայելի իշխանությունները այժմ մտադիր են կենտրոնանալ հարստացված իրանական ուրանի երկրից դուրսբերումն ապահովելու նվազագույն խնդրի վրա։

Փետրվարի 28-ին Միացյալ Նահանգները և Իսրայելը ռազմական գործողություն են սկսել Իրանի դեմ։ Հարվածվել են Իրանի խոշոր քաղաքներ, այդ թվում՝ Թեհրանը։ Սպիտակ տունը հարձակումը արդարացրել է՝ հղում անելով Թեհրանից ենթադրաբար եկող հրթիռային և միջուկային սպառնալիքներին։ Իսլամական հեղափոխության պահապանների կորպուսը հայտարարել է լայնածավալ պատասխան գործողության մասին՝ հարձակվելով Իսրայելի վրա։ Հարվածվել են նաև Բահրեյնում, Հորդանանում, Կատարում, Քուվեյթում, ԱՄԷ-ում և Սաուդյան Արաբիայում գտնվող ամերիկյան թիրախները։