Ուիթկոֆը հայտարարել է ԱՄՆ-ի և Ռուսաստանի պատվիրակությունների միջև Ֆլորիդայում հանդիպման մասին

Մայամիում բանակցություններ են տեղի ունեցել ամերիկյան կողմի և Ռուսաստանի Դաշնության նախագահի հատուկ դեսպանորդ ու Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևի գլխավորած ռուսական պատվիրակության միջև։ Այս մասին սոցիալական ցանցերում հայտարարել է նախագահի հատուկ դեսպանորդ Սթիվ Ուիթկոֆը։

«Այսօր Ֆլորիդայում Ռուսաստանի պատվիրակությունը, հատուկ ներկայացուցիչ Կիրիլ Դմիտրիևի գլխավորությամբ, հանդիպել է ամերիկյան պատվիրակության հետ, որի կազմում էին հատուկ դեսպանորդ Սթիվ Ուիթկոֆը, Ջարեդ Քուշները և Սպիտակ տան ավագ խորհրդական Ջոշ Գրյունբաումը», - գրել է Ուիթկոֆը։

Իր հերթին Դմիտրիևը շնորհակալություն է հայտնել նախագահի հատուկ դեսպանորդին արդյունավետ հանդիպման համար։

Նրանց բանակցությունների մանրամասները դեռևս անհայտ են։