Քուվեյթի օդային պաշտպանությունը դիմակայում է հրթիռների և անօդաչու սարքերի ալիքին. Քուվեյթի բանակի գլխավոր շտաբ

Քուվեյթի բանակը հայտարարել է, որ պայքարում է դեպի երկիր ուղղված հրթիռների և անօդաչու թռչող սարքերի ալիքի դեմ։ Այս մասին գրում է AL-JAZEERA-ն:

«Բանակի գլխավոր շտաբը հայտնում է, որ եթե լսվեն պայթյունների ձայներ, ապա դրանք օդային պաշտպանության համակարգերի կողմից թշնամական հարձակումների խոցման հետևանքն են», — ասվում է բանակի հայտարարության մեջ, որը հրապարակվել է X սոցիալական հարթակում։

Բանակը նաև կոչ է արել բնակչությանը պահպանել անվտանգության և պաշտպանական հրահանգները, որոնք տրվել են համապատասխան մարմինների կողմից։