68 օր միայնակ պահել է մարտական դիրքը. Պուտինը «Ռուսաստանի հերոսի» կոչում է շնորհել զինվորին

Ռուսաստանի նախագահ Վլադիմիր Պուտինը «Ռուսաստանի հերոս» բարձրագույն կոչում է շնորհել հատուկ ռազմական գործողության զինվոր Սերգեյ Յարաշևին, որը 68 օր շարունակ միայնակ պաշտպանել է իր դիրքը։ Զինծառայողը RT-ին տված հարցազրույցում պատմել է, որ այդ ժամանակահատվածում ստիպված է եղել դիմակայել Ուկրաինայի զինված ուժերի մի քանի գրոհների։

Յարաշևի խոսքով՝ ուկրաինական զինվորները դիրքի վրա հարձակվում էին փոքր խմբերով։ Գրոհներից մեկի ընթացքում տեղի է ունեցել հրաձգային մարտ, որի արդյունքում երեք հարձակվողներից երկուսը սպանվել են, իսկ երրորդը կարողացել է փախչել մարտի դաշտից։

Զինծառայողը նաև նշել է, որ ամբողջ այդ ընթացքում ռուսական զորքերը նրան մշտապես ապահովել են հրետանային աջակցությամբ։ Ավելի վաղ հաղորդվել էր, որ Ռուսաստանի նախագահը ստորագրել է հրամանագիր, որով Սերգեյ Յարաշևին շնորհվում է «Ռուսաստանի հերոս» կոչումը՝ ցուցաբերած դիմադրության և դիրքի երկարատև պաշտպանության համար։