Ռուսաստանում քաղցկեղի դեմ նոր պատվաստանյութը կարող է հասանելի դառնալ արդեն ապրիլից

Ռուսաստանում քաղցկեղով հիվանդ առաջին պացիենտները կարող են ստանալ նոր փորձարարական պատվաստանյութը արդեն 2026 թվականի ապրիլի սկզբից։ Այդ մասին հայտարարել է միկրոբիոլոգ, Գամալեայի անվան համաճարակաբանության և մանրէաբանության ազգային կենտրոնի նախկին տնօրեն Ալեքսանդր Գինցբուրգը, հաղորդում է «Ռադիո Սպուտնիկ»-ը։

Գիտնականի խոսքով՝ խոսքը վերաբերում է անհատականացված պատվաստանյութի, որը ստեղծվում է յուրաքանչյուր հիվանդի համար առանձին։ Հատուկ ծրագրային ապահովման միջոցով, որը մշակվել է Գամալեայի կենտրոնի և Հերցենի անվան Մոսկվայի ուռուցքաբանական ինստիտուտի մասնագետների կողմից, որոշվում են տվյալ հիվանդի ուռուցքին հատուկ սպիտակուցները։ Դրանք օրգանիզմ ներմուծելուց հետո ակտիվացնում են իմունային համակարգը, որը սկսում է ոչնչացնել ուռուցքային բջիջները։

Մասնագետների խոսքով՝ նման մեթոդը կարող է պայքարել ոչ միայն հիմնական ուռուցքի, այլև մետաստազների դեմ։ Միաժամանակ Ռուսաստանի առողջապահության նախարարությունը նախատեսում է 2026 թվականից ընդլայնել պարտադիր բժշկական ապահովագրության (ОМС) ծրագիրը և դրա մեջ ներառել նաև քաղցկեղի դեմ նման պատվաստանյութերով բուժումը։