Պուտինը Անվտանգության խորհրդի հետ քննարկել է կարևոր ենթակառուցվածքների պաշտպանությունը

Ռուսաստանի նախագահ Վլադիմիր Պուտինը Անվտանգության խորհրդի անդամների հետ անցկացրած նիստում քննարկել է կրիտիկական կարևորություն ունեցող ենթակառուցվածքների պաշտպանության լրացուցիչ միջոցառումները։ Այդ մասին տեղեկություն է հրապարակվել Կրեմլի պաշտոնական կայքում։

Պուտինը նշել է, որ նիստի օրակարգում ներառված են հարցեր, որոնք վերաբերում են երկրի կարևոր ենթակառուցվածքների անվտանգության ուժեղացմանը։ Քննարկման ընթացքում զեկույցներով հանդես են եկել Ռուսաստանի փոխվարչապետներ Ալեքսանդր Նովակը և Վիտալի Սավելևը, ինչպես նաև շինարարության նախարար Իրեկ Ֆայզուլլինը։

Ավելի վաղ՝ մարտի սկզբին, Ռուսաստանի նախագահը հանդիպում էր անցկացրել նաև պաշտպանության նախարարության և Գլխավոր շտաբի ներկայացուցիչների հետ, որտեղ քննարկվել էին Ուկրաինայում ընթացող հատուկ ռազմական գործողության փորձի գնահատման և ռազմական տեխնիկայի արդյունավետ կիրառման հարցերը։