Քեյթ Միդլթոնին և արքայազն Ուիլյամին նկատել են Լոնդոնի շուկայում

Ուելսի արքայադուստր Քեյթ Միդլթոնը և արքայազն Ուիլյամը հայտնվել են Լոնդոնի կենտրոնում գտնվող հայտնի Borough Market պատմական շուկայում։ Պապարացիների լուսանկարները հրապարակել է People ամսագիրը։

Արքայական զույգը այցելել է շուկայի մի շարք տաղավարներ, զրուցել վաճառողների հետ և նույնիսկ փորձել է նրանց առաջարկած պանիրը։ Նրանք նաև այցելել են մոտակայքում գտնվող Southwark Brewing Company գարեջրագործարան և տեղական սրճարանում փորձել են աշխատել որպես բարիստա՝ պատրաստելով սուրճ։

Շուկայում հավաքված բազմաթիվ մարդկանց հետ Քեյթ Միդլթոնն ու արքայազն Ուիլյամը նաև լուսանկարվել և զրուցել են։ Ավելի վաղ համացանցում քննարկվել էր նաև արքայադուստրի հագուստը․ նա հանրության առաջ էր հայտնվել Victoria Beckham բրենդի բարձր գոտկատեղով տաբատով, մուգ կանաչ ջեմփերով և երկրաչափական նախշերով բրդյա վերարկուով։