Բանկիրին Իտալիայում սպանել է սեփական որդին

Իտալիայում սպանվել է ուկրաինացի նախկին բանկիր Ալեքսանդր Ադարիչը․ քննության տվյալներով՝ նրան խեղդամահ է արել իր որդին՝ Իգոր Ադարիչը։ Այս մասին գրում է իտալական Corriere della Sera թերթը։

Քննության համաձայն՝ 54-ամյա Ադարիչը արդեն մահացած էր, երբ հունվարի 23-ին ընկել է Միլանի Via Nerino փողոցում գտնվող հյուրանոցի չորրորդ հարկից։ Մարմնի վրա հայտնաբերված հետքերը ցույց են տվել, որ տղամարդը նախ խեղդամահ է արվել։ Դատաբժշկական փորձաքննությունն էլ հաստատել է այդ վարկածը։

Կասկածյալ որդին՝ 33-ամյա գործարար Իգոր Ադարիչը, ձերբակալվել է փետրվարի 27-ին Բարսելոնայում։ Իրավապահները այժմ փնտրում են նաև նրա հնարավոր գործընկերներին։ Ավելի վաղ հայտնի էր դարձել, որ դեպքից հետո երկու մարդ շտապ լքել էր այն հյուրանոցը, որտեղից նետվել էր բանկիրի մարմինը։