«Մեր գերակա խնդիրն է երկիրը հեռու պահել այս կրակի օջախից»․ ինչ է ծրագրել Էրդողանը

Թուրքիայի նախագահ Ռեջեփ Թայիփ Էրդողանը հայտարարել է, որ ձեռնարկվում են անհրաժեշտ միջոցներ երկրի օդային տարածքը խախտող ցանկացած սպառնալիքի դեմ։ Իր ելույթում Էրդողանը ընդգծել է, որ Թուրքիայի ուղղությամբ արձակված երրորդ բալիստիկ հրթիռը սադրիչ բնույթ է կրել և նշել է, որ Անկարան ուշադիր հետևում է զարգացումներին։

«Մենք ուշադրություն ենք դարձնում ոչ միայն իրադարձությունների տեսանելի կողմին, այլև, ամենակարևորը, այն բանին, թե ինչ է կատարվում կուլիսներում։ Մենք չենք բացառում որևէ հնարավորություն կամ սցենար, վերլուծում և ուսումնասիրում ենք բոլոր գործընթացները մինչև ամենափոքր մանրուքը։ Այս շրջանակներում, ինչպես արեցինք երեկ երեկոյան, մենք ձեռնարկում ենք անհրաժեշտ միջոցներ՝ կանխելու մեր օդային տարածքը խախտող ցանկացած սպառնալիք։ Մեր գերակա խնդիրն է երկիրը հեռու պահել այս կրակի օջախից», - հայտարարել է Թուրքիայի նախագահը։

Էրդողանը նաև դիմել է Թուրքիայի քաղաքացիներին՝ կոչ անելով նրանց զգոն լինել Իրանի դեմ հարձակումներից հետո բորբոքվող կրոնական և էթնիկ սադրանքներից։