Էրդողանը կարծում է՝ Թուրքիան փորձում են ներքաշել պատերազմի մեջ

Թուրքիան միջոցներ է ձեռնարկում իր օդային տարածքին սպառնացող ցանկացած սպառնալիքի դեմ՝ Մերձավոր Արևելքում ճգնաժամի թակարդը չընկնելու համար, հայտարարել է նախագահ Ռեջեփ Թայիփ Էրդողանը։

Ուրբաթ օրը Թուրքիայի պաշտպանության նախարարությունը հայտնել էր, որ ՆԱՏՕ-ի հակաօդային պաշտպանությունը որսացել է Իրանից արձակված բալիստիկ հրթիռ։ Սա Մերձավոր Արևելքում լարվածության սրացումից ի վեր երրորդ նմանատիպ միջադեպն է։ Անկարայում Իրանի դեսպանը ուրբաթ օրը հայտարարել էր, թե Թեհրանը կասկածում է, որ Թուրքիայի կողմից որսացված հրթիռները կարող են արձակված լինել Իրանի կողմից։

«Մենք՝ որպես կառավարություն, մեծ զգուշությամբ ենք գործում մեր երկիրը պատերազմի մեջ ներքաշելուն ուղղված դավադրությունների, թակարդների և սադրանքների դեմ», - ուրբաթ օրը Ստամբուլում ունեցած ելույթում ասել է Էրդողանը։

Նախագահի խոսքով՝ Անկարան անհրաժեշտ միջոցներ է ձեռնարկում երկրի օդային տարածքը խախտող ցանկացած սպառնալիք կանխելու համար։