Axios. Իսրայելը մտադիր է ակտիվացնել ցամաքային գործողությունները Լիբանանում

Իսրայելի իշխանությունները պլանավորում են զգալիորեն ուժեղացնել Լիբանանում շիական «Հեզբոլլահ» շարժման դեմ իրենց ցամաքային ռազմական գործողությունը, և Միացյալ Նահանգները աջակցում է այդ ծրագրերին, մարտի 13-ին հաղորդել է Axios-ը։

Աղբյուրներից մեկի համաձայն՝ «Իսրայելը պլանավորում է զգալիորեն սրել իր ցամաքային գործողությունը Լիբանանում՝ ձգտելով գրավել Լիտանի գետից հարավ գտնվող ամբողջ տարածքը և ոչնչացնել «Հեզբոլլահի» ռազմական ենթակառուցվածքները»։

«Մենք մտադիր ենք անել այն, ինչ արեցինք Գազայի հատվածում», - մեջբերում է զեկույցը իսրայելցի պաշտոնյայի խոսքերը՝ անդրադառնալով «Հեզբոլլահի» կողմից, ենթադրաբար, ռազմական նպատակներով օգտագործվող շենքերի վրա հարձակումներին։

«Այս մասշտաբի և ծավալի գործողությունը կարող է հանգեցնել հարավային Լիբանանի Իսրայելի կողմից երկարատև օկուպացիայի», - նշվում է զեկույցում։

«Թրամփի վարչակազմը աջակցում է Իսրայելի կողմից «Հեզբոլլահ»-ի զինաթափմանն ուղղված լայնածավալ գործողությանը, բայց նաև պնդում է, որ Լիբանանին հասցված վնասը նվազագույնի հասցվի և ձգտում է Իսրայելի և Լիբանանի միջև ուղիղ բանակցություններ սկսել պատերազմից հետո համաձայնագրի շուրջ», - նշվում է հրատարակության մեջ։