ԱՄՆ ծովային հետևակի տեղակայումը կարող է սահմանափակել Իրանի տնտեսական գործառույթների մի մասը․ վերլուծաբան

Վերլուծաբանները նշում են, որ ԱՄՆ 31-րդ ծովային էքսպեդիցիոն ստորաբաժանումը, որը Ճապոնիայում գտնվող իր հիմնական նավահանգստից ուղևորվում է դեպի Մերձավոր Արևելք, կարող է լինել ոչ միայն ԱՄՆ-ի՝ Իրանի դեմ պատերազմի ընթացքում ցամաքային զորքերի առաջին կիրառումը, այլ նաև օգտագործվել Իրանի Խարգ կղզու նավթավերամշակման հատվածի վերահսկողությունը վերցնելու համար։ 

Վերլուծաբանների գնահատմամբ՝ նման քայլը կարող է փաստացիորեն սահմանափակել Իրանի տնտեսական գործառույթների մի մասը։

Նրանց կարծիքով՝ այս քայլը կարող է ստիպել Թեհրանին կապիտուլյացիայի ենթարկվել և արագ ավարտել պատերազմը։

Ծովում և ցամաքում գործողությունների համար նախատեսված հիբրիդային դեր ունեցող ուժերի կիրառումը, ըստ փորձագետների, բավական հետաքրքիր զարգացում է։

Մինչ այժմ Թրամփի վարչակազմը հստակ չի հայտարարել, թե արդյոք անհրաժեշտ է համարում ցամաքային զորքերի օգտագործումը Իրանի դեմ պատերազմի շրջանակում։ Այս մասին հայտնում է AL-JAZEERA-ն։