Ռումինիայում առաջարկել են էներգետիկ ճգնաժամ հայտարարել

Ռումինիայի էներգետիկայի նախարար Իվան Բոգդան-Գրուիան առաջարկել է էներգետիկ ճգնաժամ հայտարարել՝ Մերձավոր Արևելքում շարունակվող հակամարտության ֆոնին երկրում վառելիքի գների կտրուկ աճի պատճառով։ Ռումինացի քաղաքական գործիչն այս հայտարարությունն արել է Digi 24 հեռուստաալիքի եթերում, մեջբերում է ՌԻԱ Նովոստին։

Ավելին, նախարարը նամակ է ուղարկել իշխող կոալիցիոն կուսակցությունների ղեկավարներին և Ռումինիայի վարչապետ Իլիե Բոլոյանուին՝ առաջարկելով ճգնաժամ հայտարարել նավթի և նավթամթերքի շուկայում, նվազեցնել հարկերը և ակցիզային տուրքերը, սահմանել նավթամթերքի վաճառքի գների սահմանափակում, փոխհատուցել գյուղացիներին էներգիայի ծախսերի համար, ժամանակավորապես դադարեցնել բենզալցակայաններում վառելիքի մեջ կենսաէթանոլի օգտագործումը և ապրիլին վերսկսել Պլոեշտիի «Լուկոյլ-Պետրոտել» գործարանի գործունեությունը, որը դադարեցրել էր նավթի մղումը ԱՄՆ պատժամիջոցների պատճառով։

«.Այս միջոցառումների շնորհիվ կառավարությունը կունենա իրավական հիմք՝ անհապաղ միջամտության համար՝ ռումինացիների և ընկերությունների դրամապանակների վրա բացասական ազդեցությունը հնարավորինս մեղմելու համար», - կարծում է Բոգդան-Գրուիան։