Յոթ տարի տնից դուրս չեկած տղային հայտնաբերել են աղբի մեջ

Թուրքիայում ոստիկանությունը փրկել է ութամյա մի տղայի, որը յոթ տարի շարունակ փակված էր տանը և չէր լքում բնակարանը։ Դեպքի մասին հայտնում է Haberler.com պորտալը։

Տղային հայտնաբերել են Բուրսայի նահանգում գտնվող խարխուլ տան մեջ՝ աղբի կույտերի մեջ։ Պարզվել է, որ երեխայի հայրը յոթ տարի նրան թաքցրել է մորից՝ Գերմանիայի քաղաքացի մի կնոջից, որի հետ ծանոթացել էր արտասահմանում։ Տղան ծնվել էր 2018 թվականին, իսկ մեկ տարի անց տղամարդը երեխայի և սիրելիի հետ վերադարձել էր Թուրքիա։ Ծնողների միջև առաջացած լուրջ հակամարտությունից հետո հայրը որոշել էր տղային պահել իր մոտ։ Սկզբում երեխային թողել էր իր մոր մոտ, իսկ հետո թաքցրել էր տարբեր հարազատների տներում։ Այդ ամբողջ ժամանակ տղան չի հաճախել դպրոց և չի լքել տան պատերը։ Ավելի ուշ տղամարդը սրտի կաթված էր ստացել, և երեխան մնացել էր առանց հոր։

Տղայի որոնումները սկսվել են այն բանից հետո, երբ նրա տատիկը դադարել է ներկայանալ դատական նիստերին։ Ոստիկանությունը հետևել է նրան և հայտնաբերել լքված տունը, որտեղ պահվում էր երեխան։ Տղային գտել են ուժեղ հյուծված վիճակում և փոխանցել սոցիալական ծառայություններին։ Երեխայի տատիկն ու նրա զարմիկը ձերբակալվել են՝ մարդու ազատությունից ապօրինի զրկելու մեղադրանքով։ Դեպքի առթիվ հետաքննությունը շարունակվում է։